阿威

　訓都訓唔著，終於等到今日la。期待以久既旅行，終於起行la。今日天朗氣清，實在係一個去旅行既好日子。5點幾起身，揹住一大一細既背囊出發去機場，開始離家兩個月既旅行(都未試過離家咁耐)。
　今日係搭早機，剛巧我地既大佬同大嫂都係今日去日本嘆世界，所以匯合阿威之後就去搵大佬吹下水la。

　 一見到大佬，大佬即係送上兩袋既野食俾我地，有豬肉乾la、魷魚la、芒果乾…大佬知我地去到無淡好食，係無錢無啖好食，所以準備乾糧俾我地。仲有特意整左張banner支持我地馬到功成。我地真係好開心又感動，因為大佬幫左我地好多，好多謝佢。真係要講返句：大佬，阿Lee加多!

　好la，係時候上機la，轉個眼 4個鐘就到東京。阿威首次到日本，當然興奮la。我都係第二次，一樣興奮。係海關都排左成個鐘先OK，之後就去換JR Pass(今次我地有兩張 21日，分開用)，坐成田特急去東京先。今次坐成田特急又坐錯位，諗住費事去搵book左果個位，是但係車尾企下算la。點知一企就 9個字，做左第一件傻仔既事。

　去到東京站就搵返個，一次過book晒之後要坐果D夜車座席(係頭 21日中有 9 晚要用夜車)，當中有一晚滿席，算la，遲D先處理。到搵住宿地方la(因為我地全程無book地方住)，今晚就去左淺草橋隅田川YH，好新淨，地方都唔錯。安頓好就食飯，當然係食乾糧la。