阿威

　今日係約會日本朋友知子既日子。朝早離開YH，就出發前往靜岡既清水市，主要係去可以望到富士山既三保松原。去到清水站再轉巴士到三保松原入口，經過一道兩旁長滿松樹既神之道，就係三保松原。穿過松原，就係一個沙灘。由沙灘望出去，除左一望無際既大海，仲有日本象徵富士山。雖然已經10月中，不過富士山頂都未見有積雪。流漣左一陣，就離開清水，前往大阪去。

　6點到達大阪，約左知子係車站相見。其實我只係見過知子一次，而知子對我既印象應該唔係太深刻。不過係車站時好快就相認，可能我同阿威既大大背囊原故，一眼就被知子相認到。我地就去左一間餐廳食飯，同行仲有知子老公、朋友中北先生同阿BEN。由知子發板，每人叫左個定食，當食物送上時，十分之開心，久違左既白飯，真係好好好味呀!好想食多一碗。仲有天婦羅、烏冬…黎左日本十幾日，今日係最豐富既一日。一邊食、一邊傾，知子既廣東話原來講得好好，我地講得好快都冇問題。中北先生同阿BEN，廣東話都差DD，知子仲話中北先生識唱鄧健宏既”直上”，第日等佢黎香港，一於帶佢去”NO WAY”同”堅扑時”唱K先得。

　我地要9點上夜車去九州，見仲有時間剩，就再去飲野。離開果陣，知子送左袋野俾我地，原來係知子親手做既飯團，俾我地做宵夜。我感到好意外，又感動，有D想喊，真係真係好多謝知子。佢地仲特登買票上月台送我地上車，直到列車開出。我地仲約定11月係大阪再見。

*今次約會知子佢地，真係好開心，又請我地食飯飲野，知子又親手做飯團，實在太感動，太意外。中北先生雖然第一次見面，知道我地冇乜錢，就叫我地去佢屋企住。仲有阿BEN只係識好少廣東話，知我地會去長崎，就特登跑去搵D長崎旅遊小冊子俾我地。識到這班日本朋友們，真係我地既福氣!

　今早在淺草橋的YH Check-out 後，我們就出發去一個叫三保松原的地方，途中經過一條名為神之道的地方，之後我們就到達三保松原。那裡有的是sunshine and the beach，我地兩個beachboys 梗係周圍走走，享受風景帶給我們的舒服感覺。除此之外，在那裡還可以遠距離地睇到神山富士山，由於當時還是十月中旬，所以只是見到有少量積雪在富士山上，不過整體來說還是很靚。

　離開三島松原後，我們就去大阪，因為我們約了勞大少的日本朋友Tomoko小姐食飯，我們相約在大阪火車站等，等了一會，勞大少看見了她，我們打個招呼，寒暄幾句後就去Join 她的 ‘蝦子餅’ 和其他朋友，我們見過面，打過招呼後就去到一間飯店食飯，先做個介紹，首先是Tomoko小姐和她的 ‘蝦子餅’，之後就是她的兩個朋友，一個是(Nakakita)中北先生，而另一個是Ben小姐，同桌之上，Tomoko和Nakakita是可以用廣東話和我們溝通，不過中北先生的廣東話不是太好，有時都要Tomoko小姐作解釋，第一次見面彼此都算多話題，起初擔心因為言語問題而不懂應對，不過最後都可以應付。話說回來，那餐晚飯我們吃了一個定食，好好味!!!

　她們請我們吃過這餐飯後，還請我們去一間Café飲野，第一次見面就這麼客氣，呀!不止這樣，Tomoko還親手造了4個飯團給我們，還有紫菜和水，真係好感動，好似雪中送炭，其實我們都有好多天沒有吃過飯，只吃乾糧，所以今晚這餐真係特別有感受。我們在Café坐左大概半小時左右，傾下計，影合照之後就離開。我們該晚要坐夜車去博多，他們還送我們離開直至我們上了車，very nice guy!!!多謝你地請我地食飯同飲野呀!!!!