|
今朝夜車5點幾就到鹿兒島，時間尚早，依舊在待合室抖抖先。今日冇決定去邊度觀光，我就提議去唐船峽食流水麵。二話不說就起行，不過今日係星期六，好少火車去枕崎果面，於是又去問下觀光案內既姐姐有冇計仔。原來可以係指宿轉巴士去，咁樣我地就坐一個鐘火車去到指宿，再轉巴士，晏晝時分就到左唐船峽啦。現場有好多一台一台既流水轉台，買左飛後就是但揀左張流水台坐，之後就有專人送上美食。我地點左個有流水麵、飯團、燒香魚，仲有一碗魚腩味噌汁，將d麵放落水度轉兩轉，再夾上黎沾混有wasabi同蔥花既醬油一齊食，入口”雪””雪”聲，清涼無比，簡直正到痺~~~啊!好耐都冇食得咁飽啦。大滿足的一天。
返到鹿兒島就前往碼頭等上船。黃昏6點上船，去房間放低行李就周圍參觀。我地訓既係二等席，即係大房，要同其他圍數十餘人既乘客一齊訓，有d似避寒中心咁。船上設施除左房，都係房，仲有食堂同打機中心。
船駛離碼頭，向沖澠出發，我地就一路係甲板上睇星星同埋Jam歌(Jam左成個鐘，人地見到以為兩個傻仔唔知係到做乜)，係冇城市燈火之下，天上既星星真係特別多。
|
尋晚坐完夜車，由於時間尚早，我們在待合室休息一會，休息過後，我自己去吃了一碗烏冬，之後再回到待合室，再過了一會，我們就出發去吃流水拉麵。我記得我們坐巴士去到附近，找了一會，最後沿著一條斜路走先找到，那裡環境很不錯，好舒服。我們見到很多人在吃流水拉麵，見狀我們己經急不及待地放下行李，然後去叫流水拉麵。我們叫了一個set，千多Yen，之後我們就坐低等待，講講那個格局，那張桌子上面有一個圓形的，類似四驅車賽道的東西，裏面有水在流動，麵就是沿著那個圓形的東西在轉，我起初以為食流水拉麵是那種有好多條竹連接住的境像，如果有機會真係好想試下!!
過了一會，期待已久的流水拉麵已經送上，首先，那個流水拉麵餐有麵、有魚、飯團和茶。我們先試試流水拉麵，我們將麵放下去，之後我們做個調味醬，是將豉油加蔥再加Wasabi，然後將麵浸在調味醬中，嘩!!好清爽，那種感覺簡直Perfect!!正到爆!!另外，那條魚是用很多鹽制成的，不過味道剛剛好，好味。再加上那個飯團和茶，食到好飽，好開心!
飽餐一頓及休息過後我們就準備坐船去沖澠。由於坐船要坐一日，由25號6點至26號7點半，故此今天說到這裡。
|
住
：¥
0
食 ：¥
1,300
車 ：¥
1,100
船 ：¥ 25,080(來回)
雜 ：¥
0
合計：¥
27,480
(每日一算：仲剩返¥
192,689)
|
早餐
：¥
609
飲品 ：¥
150
巴士 ：¥
920
流水拉麵：¥ 1,300
合計 ：¥
2,979
|
勞大少
日