DAY 24         沖澠那霸        2003年10月28日()

大少

 日起身又走去碼頭睇下有無船飛賣,點知無開。聽到一個大叔話今日售票處唔開,叫我地去那霸港本社睇睇。去到真係有船飛賣,終於可以心頭大石,舒一口氣,當堂輕鬆晒。

 既然船飛搞掂晒,隨即前往觀光。去左一個叫玉泉洞公園參觀。裡面分左幾個部份,首先去睇鐘乳洞,係天然的,全長1公里,好似僅次於秋芳洞,有部分鍾乳石仲滴緊水添。其他兩個部份就係一個民俗村同蛇既展覽館,行埋就搭車返民宿食飯,因為今日係出門口時,民宿既職員問我地晚上食唔食飯,係無料。嘩!原來住宿係連埋晚飯,唔駛講當然食啦!

 大約七點就食飯,開飯地點原來係天台果度,有一個小型酒吧同興建中既露天風呂。今晚有6個人食飯,晚餐包括白飯、炒麵同湯,D湯好好味。食飽之後就整左杯泡盛(Aomori,同青森發音一樣)Qoo果汁飲,不過一啖就飲晒,唔係好夠喉。

 於我們好心急想知道船票的事,所以我們一早就去碼頭,等了一會兒,職員告訴我們原來要回那霸港才有船票予約,於是我們就去那裡,到達後,我們就問問,終於,我們可以鬆一口氣了,可以更改,現在只差更改由沖繩回西鹿兒島的船票,不過那裡今天休息,只好明天再處理,好在勞大少隨機應變,更改行程,令我們有機會去最南端拾星之砂,好期待!!

 之後我們就去參觀玉泉洞的鐘乳洞,我第一次看這些東西,置身其中,周圍很潮濕,不過過了一會後就開始覺得幾靚,一路行一路影相,可惜有學生團,很迫很難影相。過了鐘乳洞後我們就去參觀一個蛇的展覽館,其中有職員抱著一條黃色的大蛇和遊客影相,我很想試下,不過太貴,最終放棄。之後我們再觀光一會後就走,因為今晚旅館的人說他們會請住客食飯,所以我們依時回去吃飯。

 我們在天台吃晚飯,那裡很正,夜景靚,又有bar tender,感覺好似開Party一樣,我們和其他住客一齊食飯好開心,又可以飽餐一頓,之後又可以吹吹風,好舒服。

 

住    :¥   1,500
食    :
¥      250
車    :
¥   1,180
船    :¥          0  

雜    :
¥   1,600
合計:¥   4,530


(每日一算:仲剩返
¥ 182,162)
場費    :¥    1,600
飲品        :¥       140
巴士        :¥    1,180
襟針        :¥       100
乾糧        :¥       443
合計        :¥    3,463
 

 玉泉洞公園

黃金之盃

像針一樣既鐘乳石

 沖澠既平房

自家製玻璃杯

蛇

   新鮮菠蘿

南風天台飯局

天台Bar特飲-泡盛果汁

   這個叫做銀柱

水中小鳥居

這個叫地上火箭

好似落緊雨既鐘乳石

這個似軟雪糕

一酲一酲地下酒

傳統織布

     仲有