阿威

　今日離開青森，進發秋田縣。首先去YH放低行李先。講起今晚住既YH就正都痺啦，好似酒店咁，係2人一室既房，內附電視，浴室洗手間。都係第一次住乍，價錢仲只係¥2100，係邊度搵啊!

　之後就去田澤湖，係秋田站出面，發現左有試食攤位，當然試食一番啦!今次就豐富啦，有香腸、蘋果、提子同燒魚。再入去百貨公司，試返兩口清酒，出面天氣冷冷地，清酒暖暖胃，剛剛好。行行下又去左超市，今次仲大發現添，有勁多野試，簡直食過不停。食飽就出發去田澤湖，可能掛住試食既關係，去到天都就黎黑齊。

　去到都要影返幾張相，但個辰子像太遠，行唔到去，怕天黑冇車走。返到秋田又去超市，睇下有冇減價食品，本來想買壽司食，不過都係忍下手先。8點就返YH睇電視同食福麵。

　今日來到秋田縣，第一件事就係去找YH落腳，我記得在車站下車後都要行一段頗長的路才到，當入到那YH後，首先是有幾個0架妹和我們打招呼，她們是住客來的，check-in 後就搬行李入房，嘩，設施可拍得住酒店，獨立大房間、廁所，環境非常好及整潔，再加上平(2100Yen)，正呀!

　擺低行李後就向田沢湖進發，我們在那裡見到有個飲水思源像，影下相，去到沙灘見到有好多鴨仔船，又影下相，原本我們打算再去遠些的辰子像，不過由於冇時間，所以最後都冇去到，可惜!因為個景好似幾靚。唔知點解，田沢湖給我的感覺是很浪漫，冇得解，感覺。

　去唔到睇辰子像之後就返歸，回到秋田縣，又見到有試食檔，於是乎又去吃一番，今次正呀，濕貨、乾貨、生果及SaKe都試過，之後我在100Yen店買了乾糧，因為經常食福麵都食到厭，所以 ‘隔下沙’ 買平野食，買完就返YH休息，睇下電視，例如SMAP x SMAP，又一Day。