阿威

　今日又打鑼咁早5:30起身，起身確實有點暈。今日咁早起身就係要趕6點班火車去弘前，再搭巴士去白神山地既暗門之瀧步道。轉左兩程巴士就去到暗門遊客中心，係步道既起點。時間大約9點鐘。

　由於係星期日關係，暗門已經周圍都係遊客。我地就跟著人龍前進，沿著濕滑既道路，一步一步進入暗門步道。沿路風景當然美麗，紅葉度都有30巴仙左右，小溪中也有小魚兒在暢泳。步道都比較狹窄，時不時遊人與遊人都有對頭相遇既情況，而SUE咪媽聲同阿LEE加多亦隨碰面此起彼落。今日真係講左成百次咁濟。日本人真係太有禮貌啦。

　行左大約1.5km就到達暗門第三之瀧，一路再行就係第二之瀧同第一之瀧。而第一之瀧亦係落差最大既一瀧。行到埋去，水氣不停撲向全身同相機，氣勢好磅礡。回程時由另一邊BUNA(植物黎既)散步林回暗門遊客中心。再去飲一口聖水，就完成行程啦。雖然天氣清涼，不過行完成身都係汗。

　在排隊等巴士走人既時候，有一位嬸嬸走過黎同我地做問卷調查，問點解黎青森縣之類問題。好彩都聽得明少少，做左問卷，嬸嬸就送左個書籤做紀念品，仲走左去拎左兩個蘋果俾我地，可能見我地係香港遊客啦!哈哈，今晚又有蘋果食。

　返到弘前再去青森，當然去試食啦。今次搵到間有成十幾種野試食既鋪頭，仲發現有¥100炒麵。見幾餐都食乾糧，今晚就食個炒麵。之後就返膠囊開餐。

　今朝5點幾起身，為的是去看白神山地之 ‘暗門之滝’，坐了三程車後到達，之後我們就出發去找那三個瀑布，睇下有幾靚先，沿途經過的山路很難行，因為地濕路窄，行起來要加倍小心。

　另外亦見到很多日本人去睇，總括而言，那三個瀑布的確好靚，水由高處流下來，從相機中看出來真的是一匹很美的布，再加上彩虹，正!!不枉我們行得那樣辛苦，之後周圍遊覽及扮專家用多個角度拍攝瀑布的美後就回去，這兩天的大自然之旅，差不多完全是花草樹木，不知是否吸收左大自然的靈氣，我覺得成個人健康左，哈哈。

　回酒店途中又被我們看到有很多試食攤擋， ‘試食軍團’ 又怎會錯過這個機會呢，當然係食之而後快la，其實到左日本幾日，我已經當試食是日常生活的一部份，另外就是晚上在超市找找有冇平野以及去100¥店補充乾糧，不過現時是試食居多，免費ma。不過，我們也有買的，好似今天，我們就看見有盒麵看似好正，於是乎我們就用了105大Yen買了作為晚餐，而我另外用多105Yen買了蘋果(一袋3個)，當我在選蘋果時，那個售貨員對我說話，一時間不懂應對，後來才知道她叫我選她手上的，因為size較大，哈哈，失禮失禮。另外，我在回酒店之前在車站又吃了淨soba，又忍唔住，真係要節制一下。That's all for today，明天就要去秋田縣，係咁。