DAY 7          奧入瀨溪流       2003年10月11日()

大少

 朝打鑼7點起身,去巴士站排隊搭車,出發去奧入瀨溪流觀光。巴士8點開出,沿路有好幾個停車點俾大家伸伸腳、去下洗手間、飲啖長生茶。講返係萱之茶屋果度飲長生茶,一落車個個都衝過去裝茶飲。我地都唔知乜事,見人地飲當然唔執輸啦,飲返兩杯落肚先,長多幾年命,哈哈。

 大約3個鐘車程就到十和田湖休屋。其實應該係前一個站落,因為我地主要行奧入瀨溪,都唔知黎十和田湖做乜。諗住黎左就算,不過下一班車去奧入瀨溪係10分鐘之後,唔係就成2個鐘後。啦啦臨影幾張相就上巴士。

 卒之係返子之口站落車,就沿奧入瀨溪一路行去石ン戶。雖然已經10月,不過黃葉綠葉佔大多數,紅葉只係好少數。不過唔緊要啦,紅葉好、黃葉好,同流水小溪拼拼合合已經係一幅幅目不暇及的圖畫,令人讚嘆不絕。一路上都有好多人遊覽,有d人就成副裝備黎影相,有d就係溪邊寫生。一路行、一邊影、又食下加樂氏粟米片,不知不覺又到我地既終點石ン戶,亦係要離開既時候。

 搭巴士返到青森已經7點,阿威要去買,當然又試返兩片先啦。

*其實今朝早出發之前都去左對面生果檔買個蘋果,買左個平既,成惠¥50,味道都唔錯!

 

 膠囊酒店過了第一晚後,朝早我們就去十和田湖,我們在途中看到很多自然風景,例如紅葉、瀑布和十和田湖等,那裡的風景吸引到我影了很多相,我們一路行一路影,行了好幾公里,我記得那時香港有報道叫香港人每日行8000步可令身體健康,我們真的非常健康,整個旅程我們行左好Q多個8000步呀,為了慳$,不過周圍的美麗環境的確可以令人忘記這種疲倦的感覺,好像有用不完的體力,影到瀑布時,瀑布濺出來的水加上太陽光的照射映照出七色彩虹,與周圍的景色很襯,不過我們的相機就不好了,不過也不要緊。

 之後我們繼續行,行了大半天,觀光完後我在那裡的店舖買了個雪糕食,因為我見到很多人也吃,忍不住買了來吃,價值250Yen,十幾蚊買個雪糕食,M記都係2蚊,我見過最平的都要100Yen,不過一次半次都冇所謂,其後我們就回青森,我買左兩個青森大蘋果試試,正呀,之後就返膠囊酒店休息。




住    :¥ 2,800
食    :
¥        0
車    :
¥        0
雜    :
¥      50
合計:¥ 2,850


(每日一算:仲剩返
¥ 250,725)
蘋果x2     ¥ 200
雪糕         :¥ 250
合計         :¥ 450
 

 生果檔

長生不老茶,飲多兩杯先

伸腳位之一,紅葉好紅呀

 十和田湖

今日行的路程

水平如鏡

    流水

銚子大瀧

流水2
      寫生

石x戶休憩屋的到此一遊字條

食野啦

     萱之茶屋的長生茶

不知名的瀧,其實係一條引水渠

雲井之瀧

     仲有