阿威

　三連夜車既日子終於過去。朝早7:30起身，即刻落去東橫lobby啪返個豐富的朝食。先整d漬物、，加多六個。本來想食多d，不過飽就算la。食飽就搭電車前往湯之川，目的地係特拉比斯女子修道院。去到湯之川總站，路牌話大約係3km路程到修道院，咁當然係行去la。電視話每日行8000步，身體自然好，哈哈，我地黎到日本真係日日都8000步。去到修道院就四圍影相，睇下野咁。

　行完就回程返電車站。我地其實早前係一路上發現左有個海鮮市場，於是回程就梗係去試食一番la。裡面真係幾多野試食，朱古力成粒上，味道唔錯。目前黎講e間最多野試食，要俾個正先。試食完就走人，行行下就行到去函館競馬場，發現到11月30日係東京競馬場上演日本杯，我地心情十分興奮，難得黎到日本可以睇場賽馬，事先根本就冇預計到。興奮過後就搭電車返酒店收拾行李，前往青森。

　落到青森，便價酒店full左，好彩有做定後備，去住膠囊酒店。地方唔錯，起碼有得浸浴先。

*話咁快北海道果part已經搞掂，黎緊幾日就係東北行程la。

　經過三晚夜車，昨晚在酒店好好休息後，今朝又要在晴朗的一天出發，不過出發之前我們先吃酒店provide的免費早餐，提到免費，我們當然不會口軟，我一口氣吃了6個飯團，飲麵士湯再嘆多杯coffee後就出發去函館的修道院，景色美麗，我們影影相，我睇下女仔，之後我們去到函館競馬場，在那裡無意中見到Japan Cup在11月30日舉行，屈指一算，我們應該可以入場觀看比賽，有一個開心大發現，好期待! (我是很喜歡賽馬運動的)

　之後我們就離開北海道，坐車去到青森，有好多令我望見也流口水的青森大蘋果，不過得過睇字，忍一忍手先。跟住我們就去book酒店，但係book 唔到，好彩勞大少一早search定膠囊酒店的資料，去到剛好有位，比起酒店平，可以慳$，我們book了三晚，放低行李後出去逛逛，之後就回酒店休息。我覺得膠囊酒店的設備也很好，幾舒服，而且又有得浸浴，不過沒有私人房，一人一個床位，好似龍珠的太空囊，唔錯唔錯，另外晚餐繼續福麵 + 即沖飲品，之後捉下圍棋、鋤D、睇電視……就這樣又一day。