阿威

　連續夜車的第三日，擒晚從稚內返到札幌，7點左右轉車去函館。先去東橫inn放低d行李先(今晚終於有得訓)，就開始周圍遊覽。朝市就在酒店附近，好多人正在兜售佢地d蟹，我地都係得個睇。先由車站行去立待岬，遠眺函館海灣景色。繼續沿路前往碧血碑、函館八幡宮…再轉落元町地區，睇下d教堂，真係唔知邊間打邊間。再下就係西波止場同金森倉庫，入內睇睇，目的當然係搵下有冇得試食啦。

　時間差唔多，返去酒店check-in先，駁左個notebook同ec2班網友們吹左一陣水。日落時間就到啦，係時候出發上函館山。巴士在上山途中已經望到函館市燈火通明的夜景。上到山，人山人海，人人都霸個靚位影相。我地都唔執輸，上到最高果層影相，不過風真係好大，腳架都用唔著。留漣左一陣就返酒店休息啦。

　今日去到函館, 終於可以好好地休息一下, 因為今日可以住酒店(東橫INN), check-in 後就起行去遊覽一下, 例如函館八幡宮、碧血碑、立待岬等等, 之後就回去市區走走, 去到一些由倉庫改建而成的Shopping Arcades, 有好多精品(哈毛Kitty大量)及美食, 當然我們不會放過試食機會, 其中最吸引我的是墨魚飯, 我爭扎了很久, 走了幾個圈才決定用525Yen買, 原本想送給阿姨, 不過回港後是自已吃了,Oishii!!!

　在大約6時左右, 我們坐巴士去函館山看夜景, 在巴士中也遇見香港人去看夜景, 到達後第一感覺就是很冷呀!不過定下神後, 發覺那裡的夜景真係好正x 5, 很多很多人在那裡影相, 我們也趕快霸靚位影相, 縱使我們有腳架, 不過由於風太大, 令到很多相影出來都很震, 其後由於要趕車, 我們逗留多一會就走, 那裡令我留連忘返, 真的很喜歡那夜景, 希望有機會可以再去一次。晚上在酒店休息, 沖個靚涼, 之後用電腦send E-mail 給朋友聯絡一下。