阿威

　連續的第二晚夜車，由札幌到達稚內大約早上6點，落左車就鎖好個行李先，之後就休息下。去宗谷岬的巴士要8點先開，所以要等等。

　8點上左巴士，行左40分鐘倒就到左日本最北之所宗谷岬，一落車就衝過去最北紀念碑拍攝一番，咁我地首先完成到著日本最北端la。之後當然去隔離個商店買返個到著証明書留念，再周圍行行就等巴士走人。其實去到得半個鐘時間睇野，如果錯過左9:33果班巴士，就要得成幾個鐘先再有車。

　返到車站，就去買張postcard寄返香港，店員小姐請左我地食蜜瓜jelly仔。寄左postcard就出發去稚內公園，雖然有纜車上去，當然冇坐la。上到去就睇下冰雪之門…由山上望返去稚內市景色都唔錯ar。

　下午3點幾左右，就坐巴士去Noshappu岬(野寒布岬)果度睇日落，點知去到個太陽仲好高，利尻富士又睇唔到，而且風又大。於是就係咁等左成個鐘，後來有班名古屋大學生黎左參觀，我地就一齊合照。等多陣就走人，走個時都未日落。

　返到去車站又去左防波提影返張夜照，點知又唔開燈，黑麻麻，影左兩、三幅之後仲要冇電添。於是放棄返車站，食福麵，等上10點開往札幌的夜車。

*今日成日都食風，唔駛點食都飽。