|
離開仙台YH，就坐火車前往郡山，再轉往豬苗代，而今日目的地係五色沼。係豬苗代站鎖低一個行李先，再坐巴士去到五色沼入口。沿住一條好似教育徑既步道一路遊覽，途經昆沙門沼、赤沼、弁天沼、柳沼…大大小小，七彩繽紛既湖沼，風景相當怡人，真係有d我國九寨溝既Feel(不過我未去過九寨溝)。一路行，一路影，大約1個鐘就行到完啦。之後就坐巴士返豬苗代站。
轉轉車就去到新潟，係候車室鋤下啤(多數係火車上鋤)，準備搭夜車去新宿啦。
*去完五色沼，影左唔少相片。不過睇返d相好似個個都差唔多樣，唔知乜沼打乜沼，都係返到香港先再慢慢搞返啦。
|
今日的觀光點是五色沼，我們離開仙台的YH之後就出發，去之前我們先在車站的locker放下行李，之後我們就坐巴士去那裡，到達後就開始遊覽，遊山玩水，一邊行山一邊觀光，那裡的沼有不同的顏色，主要是由水中的礦物令到水的顏色起了變化，景色似九寨溝，靚景靚景!!不過眼見大多數的沼都是綠色的。另外，又見到有些學生在寫生，以及很多公公婆婆在遊覽，在談論著景色怎靚怎靚，那裡的景色的確很吸引人，感覺好舒服。
幾小時後，我們就離開五色沼去新瀉，因為這晚我們要在這裏坐夜車去新宿，去到新瀉由於時間尚早，我們就在市內觀光，當然又睇下有冇得試食la，行完之後我們就在車站等坐夜車。
另外，突然有感而發，我覺得我們這次行程可算是非常幸運，因為今年日本新瀉有大地震，又有颱風，再加上前陣子又有火山爆發，如果我們今年才去可能有好多左滯，我記得上年我們去之前北海道有地震，不過我們不經那裡，所以沒有大問題，能夠做到之前訂下的目標都可算是非常幸運，今日就講到這裡。
|
勞大少
日