阿威

　晨早5點幾到著新宿站，一出車門真係冷風陣陣，即係轉車落淺草橋YH先。睇下可唔可以早D check-in休息一下，舍監Hayashi先生即係俾我地check-in，我地就梗係上房即時眠一眠，真係好好好!

　大約10點就起身出發，不過好眼訓。首先去左佐原觀光一番，佢又係好似有d乜乜小江戶之稱。果度有條河，好似九州柳川咁，可以坐船仔。周圍影下相，行行下去到一個觀光案內三菱館。入到去有個工作人員姐姐請我地坐低，飲下茶，又食下柑，仲一路播錄影帶介紹佢地祭典果時既情況。

　離開佐原就去鹿島神宮，睇下係咪有鹿既。原來真係有，不過就困住左。有小朋友餵佢地食紅蘿蔔，真係幾得意。

　坐完一晚夜車後，早上來到新宿，好疲倦，坐夜車其實好難睡得著，睡下醒下，不過冇辦法。我們在車站逗留了一會後就去YH Check-in，由於時間尚早，我們便在YH小睡一會，回復體力，然後才去觀光。

　睡醒後，我們就出發去一個叫 ‘鹿島神宮’的地方，聽其名就知道那裡一定有很多鹿，的確，遊客去到那裡可以買紅蘿蔔餵鹿，大概100Yen左右。另外，看看那些鹿的一舉一動亦很有趣，例如打架、爭食物等等。之後我們就去其他地方觀光，影下相，去到其中一處地方，有些小食買，有花草樹木及池，不過，最正的地方是那個買小食的在吹樂器，一種類似竹笛的樂器，好好聽，我被他吸引，停留了一會，真係幾舒服，之後我們就離開鹿島神宮。

　離開神宮後，我們回去新宿逛逛，當然離不開試食一番啦，之後就回YH。另外，由於我今天感冒發作，所以我沒有吃福麵，我去了 ‘吉野家’買飯食，回想起來，由到日本至今，好似只吃乾糧，未食過飯，今日好似係第一次，想不到可以這樣，不過我今日破左戒，冇做 ‘忍者’，不過一次半次唔緊要，而且隔左十多日冇食飯又幾難忍，就放肆一晚吧，哈哈!