DAY 17         神崎      2003年10月21日()

大少

 朝一起身當然落大堂食番個無料朝食,今次食左7個飯團、2碗味噌汁,仲有勁酸既西柚汁。Check-out後就放D行李係酒店受付處,又慳返一筆Locker費。搞掂左就坐車去一個叫神崎既地方啦。

 神崎有幾神奇就真係唔知啦!淨係知道有一個紅葉名勝地,一年公開十日俾人睇紅葉既九年庵。一出神崎車站,見到一大片大波斯菊花田,原來正值盛開時節,有紅有紫又有白,好靚。入去花田影下相,就跟地圖行去一個叫水車之里既地方。果度有一個遊學館,不過休息,無得參觀。算啦!之後就周圍行行逛逛,係時候走人。最後行返去車站用左成1個半鐘,再一次証明D觀光地圖上既距離唔可以盡信。今日一來一回行左3個鐘,好疲倦。

 返到博多去行一行運河城,就去中州果度既屋台食,不過D拉麵好鹹,都係北海道味噌拉麵正D!食飽行去車站途中見到大丸同三越百貨,又係試食兵團出動既時間。試食種類繁多,試都試唔晒。返東橫拎返個行李,就去車站等夜車去鹿兒島。

 日來到一個叫神崎的地方,那裡很有鄉土氣息,我們到達後,從車站望向外面,所見到的東西只能用中學時代所讀過的一篇課文來形容 花潮,嘩,一大片粉紅色和白色的花,我們都急不及待的走到那裡,影相、影相、影相。近看原來更加有feel,好似整個人都被一大片花海淹沒,陶醉在其中。雖然在那一刻我想整個人躺在其中,不過我亦怕痛,而且亦不想破壞植物,只有近觀,不過都非常吸引和舒服。之後我們就圍繞神崎觀光,例如水車之里,不過當日是他們的假期,我們無緣參觀。然後就周圍影下花草樹木,雖然很疲倦,不過亦是值得的。

 之後我們就回博多遊覽,行下商場,試食等等。另外,今晚我們決定唔食乾糧,走去在日劇中時常見到那些在街邊擺買的車仔檔,我們在附近觀察了一會,選定了幾個,再在其中選擇,最後,我們選了一個不用等位的檔,由年青人經營的,因為其他檔實在有太多人。我們叫了麵及串燒,再加上附近的夜景,其實是非常正的,好有風味。不過有一樣美中不足的是那車仔檔的麵我覺得只是一般,我們應該選擇由爸爸媽媽級坐鎮的車仔檔,相信食物會有保證,但整體而言,這也是非常不錯的一餐,吃飽後我們就回到車站的等候處等坐夜車。

 

 

住    :¥        0
食    :
¥    900
車    :
¥        0
雜    :
¥        0
合計:¥    900


(每日一算:仲剩返
¥ 231,103)
餐  :¥     800
合計        :¥     800
 

 一片花海

大波斯菊

有紅有紫有白的花

 水車之里遊學館

田園氣色

中州

    水車之里

仁比山神社

寧靜的古剎

     仲有