DAY 18         綾        2003年10月22日()

大少

 博多去西鹿兒島既夜車唔係太妥當,車卡內光燦燦,訓都訓唔到。就係咁混混下到6點鐘,到達西鹿兒島站。因為觀光案內未開,先去待合室休息一下。之後就去問下碼頭點去,我地要去買船飛去沖澠。觀光案內小姐叫我地唔駛去買住,搭果日先去買都得,話2等船位唔係咁多人用。不過我就安全起見,都係走人轉穩健D。去到碼頭問問船運公司,佢地就幫我地預約定,到時25號去到碼頭俾錢拎船飛就得啦!即時放心晒。返到車站已經錯過左一班去南宮崎既車,又等多2個鐘。上到車訓訓下撞左去個窗邊,即時眼角爆缸,黑仔!

 去到南宮崎再搭一個鐘巴士,就去到綾町既酒泉之杜。果度係一個釀酒既地方,清酒,葡萄酒都有。我地去左葡萄酒工場參觀同試食試飲,有六種葡萄酒俾人客試,我地當然全部試晒啦!阿威就買左一枝葡萄酒,話帶返香港同友人分享,不過就要辛苦阿威啦,要帶住佢成個幾月先返到香港。隨後就轉到清酒區,果度仲勁,成十幾廿種放係桌上任君品嘗,枝枝成20度以上,果種一啖,果枝又一啖,飲下飲下又試過晒。飲過後就去浸返過酒溫泉,不過都好似冇乜酒味,成千YEN浸一浸,都係卓頭野。

 之後返到南宮崎等夜車,撞到前一晚一齊搭夜車既得仔SAKU。佢仲勁過我地,黎日本3個月,有錢仔黎ga。吹下水,教佢玩鋤大D,俾佢冠稱為”HK Thirteen”,時辰又夠,一齊上夜車去。

 日的遊覽重點放在綾溫泉(酒之溫泉),不過,出發之前我們先去Book船票準備幾日後出發去沖繩,辦妥後就坐巴士去綾溫泉,經過大概個多小時車程,終於到達目的地。首先我們周圍走走,視察環境同影相,之後我們走到一處賣葡萄酒的地方,那裡有個制酒工場,周圍有些圖畫講解制酒過程,參觀一輪後,我們走到賣葡萄酒的地方,那裡擺放著一些小酒筒,可自由試飲,我們試過那些酒後,我覺得其中一種酒好好飲,好想買,不過,我們到此的其中一個目的是試浸一下那個有酒味的綾溫泉,經過一輪掙扎後,我還是決定買下那枝No. 1人氣的葡萄酒回家品嘗,放棄浸溫泉之餘亦要背著那枝酒完成餘下的旅程,而溫泉方面就留番俾勞大少為大家介紹。

 之後我們去到另一邊參觀,那裡又有酒試飲,有十多枝25度左右的sake加冰任你試,我們當然老實不客氣,開始第二回合的試酒,我試到差不多第十種時已經有點頭暈,不過就好開心,一路wing一路飲,試完後,勞大少就去浸溫泉,而我就在外面等他及趁機休息一會。

 過了差不多45分鐘,勞大少已經享受完溫泉出來,聽他說那個溫泉酒味並不是太濃,與我想像以為是酒池肉林的感覺有點不同,我們再休息一會後就坐巴士回車站。我們在超市買了飲品後就在車站吃乾糧及等坐夜車。我們在車站等待的時候認識了一個叫 ‘Saku’ 鬼仔,他是大學生,自由行到日本玩,很有$$$,會在日本玩三個月,唔似我地般窮,我們用英文交談,又幾好傾,有講有笑,我們玩撲克、看看他遊日本的相及講講大家的行程,不過原來他不知道車站有得蓋印,他表現得很驚訝,因為他來到日本這麼久都沒有留意到。另外,我們問他之後有什麼打算,他說會回家一兩個月,之後又去Europe玩半年,我問他錢從何來,他說儲蓄來的,嘩!!! 唔係呀,真係犀利,除左有錢又有膽,非常獨立地去widen his horizon(講返句英文先),我真係好好好羨慕佢,希望自己也可以這樣做,之後我們拍了合照留念,到差不多時候就一同坐夜車,在早上就分道揚鏕。 

 

住    :¥        0
食    :
¥        0
車    :
¥ 2,540
雜    :
¥ 1,294
合計:¥ 3,834


(每日一算:仲剩返
¥ 227,269)
飲品  :¥     150
巴士        :¥  2,160
葡萄酒    :¥  1,050
兩罐飲品:¥     105
合計        :¥  3,465
 

 酒泉之杜

酒桶

堶悼i以BBQ

 阿威買左最左手邊NO.1既葡萄酒

一字排開,飲到你唔飲

全部都好出名

    葡萄酒任酒,味道好正

有D番薯味既

當地名酒-綾錦

     仲有