阿威

　我地擒晚先由西鹿兒島坐夜車去博多，再轉返另一班車落別府。因為夜車到達別府時間為早上4點幾，咁早落車真係幾辛苦，所以決定直奔博多先，再落別府。咁就唔駛4點幾係車站食風啦!

　去到別府，先去YH放低野先，之後就出去觀光。黎到別府當然去名勝地九地獄啦，買左個入場卷，開始地獄之旅。沿路參觀海地獄、山地獄…食個溫泉玉子，再去血池地獄同龍捲地獄，血池地獄真的如其名，血一樣咁紅，仲好煙霧瀰漫添。而我地去到龍捲地獄時就剛剛噴水，時間剛好，唔駛等就有得睇。最後就去到金龍地獄飲左啖泉水，不過勁咸。

　本來一早計劃左去泥漿溫泉試下泥漿浴，不過都係冇去到，真係好想試下，有少少後悔既感覺。

　連坐兩晚夜車之後很倦，不過今日去別府的九大地獄令我很期待，所以忘記了疲倦，我們在別府的YH Check-in 後就向九大地獄進發。去到後，我們先買入場卷，之後就去參觀，那九大地獄分別是：海地獄、鬼石坊主地獄、山地獄、KAMADO地獄、鬼山地獄、白池地獄、金龍地獄、血池地獄、及龍卷地獄。

　首先，海地獄的水溫非常高，把雞蛋放進去就最好不過，那裡的人就是這樣作為其中一種Gimmick，幾十Yen就有幾隻溫泉蛋，我們亦有試過，唔知係咪健康D呢？不過我覺得沒有什麼特別。另外，鬼山地獄主要是看crocodiles，有大量crocodiles，不過牠們大部份都動也不動，我們亦只是拍了點相後就去其他地獄。至於鬼石坊主地獄和山地獄主要都是觀看那些類似熔岩的東西，感覺是非常熱和有濃烈的味，不知道怎形容，而周圍亦有很多 ‘Caution’ 和寫著高溫幾多度的板。

　金龍地獄我記得是有很多佛像的，大小不同，各式各樣。而龍卷地獄的特色是它有一個會每隔二十幾分鐘就會噴地下水的洞，吸引到很多遊人等，一到噴水的時候就很多人爭相影相，我們亦是其中一份子。最後，白池地獄和血池地獄就是一個白色和一個紅色的高溫礦物池，不過我覺得血池地獄真係有身至地獄的感覺，一片血紅色的池，加上那些煙和那裡的環境，真係令人有這樣的聯想。不過順帶一提，血池地獄和龍卷地獄並不是和其他地獄一齊，是分開兩個地方的，我們要行一段路才到達。當我們去完九大地獄回到人間界後就休息一會，之後就再觀光和影相，影到差D唔夠RAM，到旁晚我們就回YH休息。